O alcalde de Vigo, Abel Caballero, presidiu o acto organizado pola nosa Sociedade Jules Verne de Vigo Unha gran xornada de homenaxe a Jules Verne e á súa relación con Vigo. Coa participación do alcalde… Más
Nova obra editada pola Sociedade Jules Verne de Vigo
“Vigo na obra de Jules Verne” recolle por primeira vez todas as mencións á cidade, á ría e ás illas Cíes na obra do escritor nantés
A Sociedade Jules Verne de Vigo ten a satisfacción de anunciar a publicación dunha nova obra editada pola nosa asociación cultural. Trátase de “Vigo na obra de Jules Verne”, un estudo que por primeira vez recolle todas as mencións á cidade, a ría e ás illas Cíes que se realizan ao longo das diferentes obras do escritor nantés.
O traballo, produto dunha investigación realizada polo noso socio José Garabatos, revela as mencións e consideracións que Jules Verne fai sobre Vigo en diferentes novelas. Co subtítulo “Máis aló das 20000 leguas”, o novo libro sorprenderá por moitas citas viguesas que ata o de agora eran descoñecidas.
Esta nova obra é a terceira editada pola nosa Sociedade, que no ano 2019 presentou a edición facsimilar traducida do capítulo «A baía de Vigo«, da novela “20.000 leguas baixo dos mares”, recollendo unha nova versión en galego e a reprodución do traballo orixinal publicado por Verne no Magasin de Education et Recreation. Ademais, no ano 2021, a Sociedade Jules Verne de Vigo editou a primeira tradución ao galego da obra “Unha fantasía do Doutor Ox”, un traballo realizado pola nosa socia a tradutora Tamara Aymerich, e que foi lanzada en colaboración coa nosa asociación irmá, a Sociedade Hispánica Jules Verne e o seu selo editorial ‘Ediciones Paganel”.
“Vigo na obra de Jules Verne” xa está en mans da nosa Sociedade Jules Verne de Vigo, despois dun intenso traballo editorial e confiamos en facer unha presentación pública nas vindeiras semanas, probablemente en torno ás datas de febreiro nas que celebramos a efeméride literaria da visita do submarino ‘Nautilus’ á ría de Vigo en 1868, segundo a novela “20.000 leguas baixo dos mares”, a maior homenaxe que Verne fixo á ría de Vigo, pero que agora coñeceremos que non foi, nin moito menos, a única.
Verne, protagonista da saída náutica na ría de Vigo
O historiador Antonio Giráldez Lomba, vicepresidente da Sociedade Jules Verne de Vigo, abriu cunha charla a xornada organizada por Virazón
Jules Verne, e a súa relación coa ría de Vigo, volveu ser protagonista esta fin de semana coa saída náutica organizada pola Asociación de Navegantes Virazón. O vicepresidente da nosa Sociedade Jules Verne de Vigo, o historiador Antonio Giráldez Lomba, ofreceu este sábado 5 de novembro, na inauguración da xornada de lecer, unha breve charla divulgativa na que os participantes puideron recordar a importancia do capítulo ‘A baía de Vigo’, que o escritor nantés dedica á batalla de Rande e á nosa ría, así como as dúas visitas que Verne realizou a Vigo, en 1878 e 1884.
O acto comezou ás 10.00 da mañá no salón de actos do Liceo de Bouzas con esta breve conferencia, tras a que lle foi entregada a documentación aos participantes na proba, unha excursión de lecer na que os debían resolver diversas pistas e probas para atopar o ‘tesouro’ de Jules Verne na ría de Vigo. Ás 11.00 horas, os barcos participantes reuníronse na dársena de Bouzas para a saída, para chegar á enseada de Rande ás 15.00 horas, tras o que rematou esta actividade organizada pola Asociación de Navegantes Virazón, en colaboración coa nosa Sociedade Jules Verne de Vigo.
Na procura do tesouro de Jules Verne
Unha saída verniana pola ría de Vigo organizada pola Asociación de Navegantes Virazón
A Asociación de Navegantes Virazón organiza unha saída na ría de Vigo o vindeiro sábado 5 de novembro de 2022 que terá como protagonista Jules Verne e na que está prevista a presenza de múltiples embarcacións de recreo. A actividade comezará ás 10.00 da mañá cun encontro no salón de actos do Liceo de Bouzas. Alí será entregada a documentación para participar na proba, unha excursión de lecer na que os participantes deberán resolver diversas pistas e probas para atopar o ‘tesouro’ de Jules Verne na ría de Vigo. Ás 11.00 horas, os barcos participantes reuniranse na dársena de Bouzas para a saída, mentres que a chegada está prevista en Rande ás 15.00 horas.
A canle 69 estará dispoñible por radio para contacto entre os participantes e a organización da proba, que promove a asociación Virazón e que conta coa colaboración da nosa Sociedade Jules Verne de Vigo.
Así que só vos resta apuntaros se contades cun barco ou poñervos en contacto con alguén que participe, así como coa Asociación de Navegantes Virazón por se queredes participar nesta cita verniana na ría de Vigo.
‘Verne e o Cine’ con ‘Cinemanicomio’ en vivo
O centro comercial Vialia de Vigo acolleu un programa en directo coa participación da Sociedade Jules Verne de Vigo
Tres horas para falar de cine e de Jules Verne, en vivo e diante do público que se quixo achegar á xornada en directo de Cinemanicomio, o programa para tolos do cinema que dirixen Dani Lorenzo e o Doctor Frusna, e que ten a súa populosa canle en Twicht, cunha chea de seguidores, ademais de en Youtube. O centro comercial Vialia de Vigo foi o escenario desta xornada, celebrada no serán deste domingo 28 de agosto, que contou co presidente da nosa Sociedade Jules Verne de Vigo, Eduardo Rolland, para facer unha viaxe extraordinaria a través da obra verniana e do seu indubidábel impacto na historia do cinema.
No programa, repasaron os grandes fitos das adaptacións de Verne á arte fílmica, comezando pola obra mestra ‘Viaxe á Lúa’ de Meliés, unha película datada en 1902 que está inspirada, na primera parte da súa metraxe, na novela ‘Da Terra á Lúa’, ademais de influída tamén pola obra de H.G. Wells.
Ao longo de case 180 minutos de programa, Cinemanicomio repasou tamén outros filmes de importancia como as versións de Miguel Strogoff, as de ‘A illa misteriosa’ e, sobre todo, dous grandes longametraxes para a historia do cinema como son ‘20.000 leguas baixo dos mares’, producida por Disney en 1954, e ‘A volta ao mundo en 80 días’, estreada dous anos máis tarde, en 1956.
Ao longo do programa, Eduardo Rolland fixo tamén repaso da historia da Sociedade Jules Verne de Vigo, asociación cultural que este 2022 cumpre dez anos dedicada a promocionar a intensa relación entre o escritor nantés e a cidade olívica, que visitou en dúas ocasións, en 1878 e 1884, e a cuxa ría dedicou un capítulo de ‘20.000 leguas baixo dos mares’ titulado precisamente ‘A badía de Vigo’, onde o capitán Nemo chega co submarino Nautilus para rescatar os tesouros mergullados tras a batalla de Rande de 1702, librada na nosa costa.
Dende a Sociedade Jules Verne de Vigo só nos queda agradecer aos amigos do exitoso programa Cinemanicomio o seu convite para repasar esta parte da nosa historia.
E aquí a ligazón de Twicht para ver o programa e seguir a Cinemanicomio
Pesar da Sociedade Jules Verne de Vigo pola morte do noso socio Domingo Villar
O gran escritor vigués era membro da SJVV, dende a que defendeu grandes proxectos como a recreación do Nautilus a escala real
Unha inmensa dor percorre hoxe á Sociedade Jules Verne de Vigo, da que era socio o escritor vigués Domingo Villar (Vigo, 1971), quen faleceu este mércores, 18 de maio de 2022, tras sufrir un accidente vascular que o mantiña na UCI do hospital Álvaro Cunqueiro de Vigo nos últimos días.
O gran escritor galego, autor da serie de novelas que tiñan por protagonista ao inspector Leo Caldas, era tamén un gran seguidor e promotor da obra de Jules Verne, e membro senlleiro da nosa Asociación Cultural, que fundamos en Vigo hai agora 10 anos, en xaneiro do 2012, para reinvindicar a estreita relación entre Verne e a cidade e a ría viguesa. Neste senso, Villar impulsara no último ano un proxecto para que se construise en Vigo unha réplica a tamaño real do submarino Nautilus do capitán Nemo, o mesmo que o novelista de Nantes fixo entrar na ría de Vigo o 18 de febreiro de 1868, segundo aparece na novela “20.000 leguas baixo dos mares”. Villar, en nome da nosa Sociedade Jules Verne de Vigo, chegou a reunirse co alcalde Abel Caballero en agosto de 2021 para presentar o proxecto, no que poderían participar estaleiros locais para emprazar a réplica do submarino nun lugar emblemático de Vigo de xeito que se convertese nun atractivo turístico. Tanta ilusión tiña o noso prezado Domingo Villar neste proxecto que tamén o levou ás ondas a través do programa máis escoitado da radio en España, o matinal ‘Hoy por hoy’ da Cadena Ser, onde hai uns meses presentou a súa idea para todo o país ante a xornalista Angels Barceló.
Así lembramos a Domingo Villar, sempre cheo de entusiastas iniciativas relacionadas con Verne e o seu mundo, como fixo tamén como ilustre socio da nosa Sociedade Jules Verne de Vigo.
Facemos nosas estas palabras da necrolóxica que lle vén de dedicar o xornalista Juan Carlos Galindo: “Home xeneroso e tranquilo, o seu non eran as grandes promocións, os focos, o lado máis banal do negocio literario no que, con todo, manexábase coa desenvoltura e o ritmo pausado co que acometía tamén a súa obra. Casado e pai de tres fillos, a súa carreira literaria marchou durante anos a dous ritmos, entre o recoñecemento e o silencio, pero sempre disposto para un lector, un comentario, unha entrevista ou un festival, por pequeno que fose”.
Dende o seu debut con “Ollos de auga” en Siruela e a editorial Galaxia no ano 2006, Villar tivo un éxito instantáneo. O galego era o vehículo esencial do seu traballo literario. “O galego déixame máis preto do lugar emocional no que quero estar cando escribo”, dicía nunha recente entrevista.
Por todo, pola súa dimensión humana e literaria, pola súa solidez como cidadán comprometido sempre, e tamén por suposto, dende esta perspectiva quizáis menos coñecida da súa paixón por Xulio Verne, a súa obra e a súa especial relación con Vigo –cidade que o autor francés visitou en dúas ocasións en 1878 e 1884-, como ben recordaba Domingo Villar sempre que podía e sempre presumindo con ese orgullo do propio… por todo isto, dicimos adeus con fondo pesar e tremenda dor persoal dende a Sociedade Jules Verne de Vigo ao noso prezado socio e compañeiro.
Nunca deixaremos de ler e facer contigo grandes ‘viaxes extraordinarias’.
“Mobilis in mobili”, prezado Domingo
Sit tibi terra levis
SOCIEDADE JULES VERNE DE VIGO
Tese de doutoramento sobre a xeografía balear e Verne
Nicolás Moragues, socio da Sociedade Jules Verne de Vigo, e socio, fundador e secretario da Sociedad Hispánica Jules Verne é o autor dunha tese de doutoramento titulada «LA GEOGRAFÍA DE LAS BALEARES EN RELACIÓN A LA LITERATURA DE JULES VERNE». Esta tese ven de ser escollida como a máis orixinal das Illas Baleares de todo o ano pasado.
O propio autor resume o seu contido:
«El escritor francés Jules Verne (1828-1905) fue uno de los autores de prestigio más prolíficos de su momento, siendo incluso en la actualidad el segundo literato más traducido de la historia a nivel mundial, según datos oficiales de la Unesco, y el primero en España.
Su fama se debe a múltiples factores, hecho que se analizará a lo largo de la investigación científica, si bien siempre fue erróneamente etiquetado como autor para las masas, autor para la juventud o bien autor padre del género de la ciencia ficción. Su literatura, más bien, estuvo compuesta de dos elementos básicos e indisolubles: novelas científicas y geográficas, concepción completamente antagónica al imaginario social que se tiene del afamado autor.
El trabajo se inicia con un análisis biográfico de la vida de Verne en el que se descubre a la persona y abre las puertas a poder profundizar sobre su legado dentro del contexto histórico, social y geográfico al que se ciñe la investigación, esto es, durante la segunda mitad del siglo XIX.
Seguidamente se procederá a defender la vertiente geográfica tanto de su persona como de su obra, ya sea por sus intereses, como por sus contactos y su trayectoria vital, del que se desprenderá la saga de libros de viajes más influyente de la historia contemporánea bajo el título de Voyages extraordinaires, compuesta por 64 obras publicadas en vida entre 1863 y 1905, que pretende ser un compendio del conocimiento universal trasladado al formato de novelas geográficas y de aventuras al alcance de todos los públicos, con una evidente finalidad didáctica para instruir deleitando una geografía universal: los datos revelan que su geografía ha sido una de las más leídas de todos los tiempos, siempre acompañada de cartografía –real o ficticia- y de ilustraciones.
Las islas son uno de los elementos de mayor relevancia en la imaginario verniano. En ese contexto histórico existía un mundo todavía por descubrir por exploradores y aventureros que se lanzaban en sus embarcaciones a desentramar la terra incognita, y como consecuencia de esa navegación hay náufragos, y los náufragos de Verne son herederos claramente de Robinson Crusoe. Robinson y Viernes son sus padres literarios, y de ahí se espera un nuevo robinsonismo ya que, a través de ellos, van a parar a islas desconocidas y perdidas, en ocasiones reales y otras veces totalmente inventadas por el autor. Las Islas Baleares reúnen todas las cualidades necesarias que buscaba Verne para sus aventuras, por lo que pasarán a ser un referente geográfico más para los Voyages extraordinaires. En este punto se procederá a una comprensión crítica de las diversas formas de representación de los entornos humano y físico de les Illes, conociendo y analizando el espacio más inmediato y a una escala local, como primer paso para avanzar hacia el estudio de una escala más global, a través de la representación de las diferentes novelas geográficas de Verne, así como las fuentes tanto directas como indirectas, elementos analíticos y cartografía utilizada.
Para finalizar, se plantea el marco teórico del análisis de las relaciones espaciales del Mediterráneo, al que las Baleares pertenecen, entre variables económicas, socioculturales y ambientales a través de las experiencias propias de Jules Verne durante los cruceros que realizó por el Mare Nostrum a bordo de su steamyatch Saint-Michel III, en 1878 y 1884, y por otra parte entender las características naturales y sociales de la gran unidad territorial que resulta ser el Mediterráneo, y de las sociedades que en ella habitan, a través de las novelas que transcurren en dicho medio físico.»
Parabéns ao noso socio e amigo, Nicolás.
A Librería Solidaria AIDA de Vigo organiza unhas xornadas de Verne
A librería Solidaria AIDA, situada na rúa Ecuador 45 en Vigo, organiza ata o vindeiro sábado 23 de abril unhas xornadas dedicadas a Jules Verne, nas que nos animan a participar aos socios da Sociedade Jules Verne de Vigo.
Durante estas semanas, seleccionaron centos de libros en diversas edicións das obras do autor de Nantes, que se poderán adquirir ao prezo de 1 euro, e entre as que se inclúen publicacións en castelán, galego e portugués, algunhas delas de coleccións inesquecibles como as de Bruguera, Molino ou Plaza y Janés. Moitos destes libros poden transportarnos ás lecturas da nosa infancia. Tamén hai libros en formato cómic ou ilustrados, xunto ás grandes coleccións que nas últimas décadas apareceron reunindo a obra verniana.
A librería solidaria AIDA en Vigo está situada no número 45 da rúa Ecuador e é atendida por voluntarias e voluntarios desta ONG que desenvolve proxectos solidarios tanto no estado español como en países como Marrocos, Guinea Bissau, Senegal, Vietnam, Líbano ou Bangladesh.
Desde a Sociedade Jules Verne de Vigo animamos a todas as socias e socios a pasarvos por esta librería solidaria, que recolle, clasifica e vende a prezos simbólicos libros de segunda man, en edicións antigas, e dedica os fondos recadados a proxectos de cooperación. Ademais de poder atopar auténticos ‘tesouros’ bibliográficos sobre o autor nantés, estaremos a colaborar cunha boa causa. E poderemos, tamén, coñecer o marabilloso traballo que fan as voluntarias e voluntarios de AIDA en Vigo.
Conmemoramos a chegada do Nautilus
Un ano máis, a Sociedade Jules Verne de Vigo, celebra a efeméride do 18 de febreiro diante da estatua do escritor francés nas avenidas coa asistencia de numerosos vernianos. Ese día de 1868, o submarino Nautilus, ao mando do capitán Nemo e co profesor Aronnax, o seu asistente Conseil e o arpoador Ned Land a bordo, entra na ría de Vigo. Os feitos son relatados no oitavo capítulo da segunda parte da novela Vinte mil leguas baixo dos mares. O submarino dirixíase cara a Rande para encher a súa caixa cos tesouros dos galeóns afundidos en 1702.
Dez anos despois, en 1878, produciríase a primeira visita real do escritor a bordo do seu iate Saint Michel III, pasando uns memorables catro días na nosa cidade.
Este sábado 19 de febreiro, ás 13 horas, un nutrido grupo de afeccionados e amigos da SJVV, demos lectura ao capítulo dito. Contamos coa asistencia, en representación do Concello de Vigo, da Concelleira de Normalización Lingüística, Uxía Blanco, que desculpou a presenza do alcalde que se atopaba no acto de homenaxe aos mortos e desaparecidos no afundimento do barco Villa de Pitanxo
VIGO LE A VERNE
Sábado, 19 de febreiro de 2022
Estatua de Jules Verne nas Avenidas
13.00 horas
Este sábado 19 de febreiro de 2022 festexamos a efeméride literaria da entrada do submarino Nautilus do capitán Nemo en 1868 na ría de Vigo, segundo o capítulo ‘A baía de Vigo’ da novela ’20.000 leguas baixo dos mares’, de Jules Verne. Achégate e participa coa Sociedade Jules Verne de Vigo na lectura pública do capítulo ante o monumento ao escritor no Náutico.
Presentación dunha nova edición das Vinte mil leguas
O martes 15 de febreiro presentouse no MARCO de Vigo unha nova edición da novela Vinte mil leguas baixo dos mares.
Trátase dunha edición facsimilar da edición de Editorial Sopena de 1935. Además inclúe o texto La escuadra de plata, do que fora cronista oficial da cidade de Vigo na década anterior á guerra civil española, Avelino Rodríguez Elías. Finalmente tamén inclúe un prólogo de Francisco Vázquez, bibliófilo, vernófilo, exalcalde de A Coruña e exembaixador de España no Vaticán.
O acto foi presentado polo noso presidente Eduardo Rolland, e contou coa presenza do escritor e catedrático de Literatura José María Paz Gago, da presidenta da Diputación Provincial de Pontevedra e Teniente de alcalde de Vigo Carmela Silva, o prologuista Francisco Vázquez e o alcalde de Vigo Abel Caballero.
Sociedade Jules Verne de Vigo 