O día 7 de maio recibimos a visita dun grupo de escolares franceses procedentes de Bordeos. Os xóvenes, alumnos do nivel equivalente a 4º da ESO, do Lycée Gustave Eiffel, atópanse en Vigo con motivo dun intercambio cun instituto da nosa cidade.

Dentro do programa de actividades, incluiron a visita ao monumento a Jules Verne. Acompañados por dúas profesoras, Maribel Robert Soares e Johanna Rossignol, asistiron as explicacións ofrecidas por un membro desta Sociedade sobre as relacións entre o autor e a cidade, a batalla de Rande, a chegada do Nautilus na ficción e as dúas visitas reais de Verne.

Os rapaces descubriron unha dimensión do autor que descoñecían e, esperamos, aumentaron o seu interés por leren as obras do mesmo.

Texto e imágenes bajo una licencia de Creative Commons Reconocimiento-NoComercial-CompartirIgual 4.0 Internacional.