Verne – Sociedade Jules Verne de Vigo

A Sociedade Jules Verne de Vigo navega con España Directo tras a pista do Nautilus

Publicado el 07/07/202007/07/2020 por JAGC1 Comentario

Guiamos ao xornalista Xoán Leiro nunha reportaxe pola ría de Vigo seguindo a pegada da batalla de Rande, o Nautilus e as visitas do escritor

A Sociedade Jules Verne de Vigo guiou a un equipo de Televisión Española para seguir a pista do Nautilus do capitán Nemo pola ría de Vigo, nunha reportaxe especial do programa España Directo, gravada e emitida o pasado luns 6 de xullo de 2020.

Eduardo Rolland acompañou ao xornalista Xoán Leiro nesta viaxe a bordo do buque El Audaz, que navevgou polos escenarios da batalla de Rande e visitou na illa de San Simón a estatua dedicada ao capitán Nemo.

O veleiro era unha edición limitada, estilo ketch, ou queche, construído nos prestixiosos estaleiros ingleses Moody no ano 1974. Ten unha eslora de 44 pés, unha manga de 4 metros e un puntal de 3 metros. Leva montado un motor diesel Perkins de 67 CV e dispón de 2 mastros que lle permiten navegar coas #ver génova, maior e mesana.

Ao longo de 10 etapas percorre nas súas reportaxes 100 leguas mariñas (300 millas náuticas) desde Vigo ata Camariñas. E a de Vigo estivo centrada na relación entre o escritor nantés e a cidade olívica.

Aquí podes ver o programa:

https://www.rtve.es/alacarta/videos/espana-directo/espana-directo-06-07-20/5618856/?t=52m22s

A Sociedade Jules Verne de Vigo, asociación cultural fundada no ano 2012 para estudar e difundir a relación entre o escritor e a cidade, colabora de novo con TVE, que xa no ano 2019 fixo unha reportaxe especial en España Directo sobre este tema.

Ademais, tamén no ano 2019, a prestixiosa canle europea ARTE TV realizou un documental sobre Jules Verne e Vigo na que participaron membros da nosa Sociedade, como a escritora Ledicia Costas, o historiador Antonio Giráldez Lomba e o xornalista Eduardo Rolland.

Estrea do documental do canal Arte sobre Verne e Vigo

Publicado el 06/03/2020 por JAGCDeja un comentario

Como anunciamos neste artigo, un equipo do prestixioso canal cultural de TV franco-alemán visitou a cidade olívica a mediados de setembro de 2019 para atopar nela as pegadas de Jules Verne. O documental foi estreado o pasado 19 de febreiro en versión francesa e alemá. Anúncianse as versións en español, inglés, italiano e polaco. Pódese ver neste link:

https://www.arte.tv/fr/videos/091152-038-A/invitation-au-voyage/

Membros da Sociedade Jules Verne de Vigo guían ás cámaras polas Cíes e pola cidade. O historiador Antonio Giráldez Lomba, leva a acción ao Museo do Mar e a lugares emblemáticos como a escultura de José Molares fronte ao Real Club Náutico.

A escritora Ledicia Costas pasea con Canal Arte polos mesmos escenarios que pisou Verne nas súas dúas visitas á cidade. Xa non está o café Suizo, desaparecido da rúa do Príncipe, pero sí toman café na praza da Constitución, como tamén facía Verne en ámbalas dúas estancias. Ademais, a novelista viguesa é entrevistada ante un dos murales do plan Vigo Vertical, o que representa a Verne, situado na avenida da Florida.

Nas islas Cíes, acompañadas do noso presidente Eduardo Roland, as cámaras seguen a pegada na area dos grandes personaxes que pisaron o noso arquipélago: Xulio César, o caudillo vikingo Olaf Haraldson ou o corsario Francis Drake. Tamén especulan literariamente con que a illa de Faro é a mesma illa misteriosa da novela na que Verne revela a verdadeira identidade do capitán Nemo donde o Nautilus remata os seus días.

Tamén se pode ver en youtube:

Texto e imaxes baixo unha licencia de Creative Commons Reconocimiento-NoComercial-CompartirIgual 4.0 Internacional.

As viaxes de Verne e Nemo a Vigo en España Directo de RTVE e en Onda Cero

Publicado el 16/08/201916/08/2019 por JAGCDeja un comentario

O 14 de agosto, a Sociedade Jules Verne de Vigo agardaba ilusionada a visita da réplica do iate Saint Michel II que navegaba cara á nosa ría. Desafortunadamente, o barco sufríu unha avaría mecánica que o obrigou a regresar a Nantes. A maior parte dos actos previstos en relación con esta arribada foron cancelados. Non obstante, o programa de RTVE España Directo, mantivo na súa programación un espazo dedicado a Verne, a cidade e a ría.

IMG-20190814-WA0006 — A estatua do escritor atopábase tapada polas casetas instaladas con motivo da celebración do *Marisquiño*

Tres membros da Sociedade, Antonio Giráldez, Julio Ástor e José Garabatos, participaron neste programa explicando algúns feitos relevantes das visitas de Verne nos anos 1878 e 1884, así como do capítulo dedicado a ría na novela 20 000 leguas baixo dos mares e, mesmo, da propia batalla de Rande e dos intentos da busca do lendario tesouro. Os escenarios foron a estatua do autor no Náutico —acosada polo Marisquiño—, o entorno do antigo Hotel Continental e zonas do casco vello de Vigo.

Posteriormente, a bordo do barco de observación mariña Oceans Secrets, poideronse admirar os mesmos fondos que visitou o Nautilus. Esta vez coa axuda dun robot submarino chamado, precisamente, Nautilus en homenaxe ao escritor.

IMG-20190814-WA0007 — Julio, Jose e o periodista, Xan, seguen atentamente as explicacións a bordo do Oceans Secrets

Podes seguir o programa nesta ligazón:

http://www.rtve.es/alacarta/videos/espana-directo/espana-directo-14-08-19/5366630/?t=46m53s

Aparte desto, Antonio Giráldez foi entrevistado o mesmo día na emisora Onda Cero. Aquí tedes o audio:

Texto e imágenes bajo una licencia de Creative Commons Reconocimiento-NoComercial-CompartirIgual 4.0 Internacional.

Celebramos o ‘Día de Ler a Verne’ no I.E.S. Castelao

Publicado el 08/02/201904/03/2019 por JAGCDeja un comentario

Alumnos do Instituto Castelao de Vigo participaron hoxe no ‘Día de Ler a Verne’, unha cita de carácter internacional na que as sociedades Verne no mundo fan lecturas públicas da obra do escritor, coincidindo co aniversario do seu nacemento, o 8 de febrero de 1828.

Ler7 — O acto foi presentado polo vicedirector do instituto e membro da Sociedade Jules Verne, Julio Ástor

A Sociedade Jules Verne de Vigo, que comezou a súa andaina no ano 2012, sumouse a esta iniciativa a través dunha actividade no I.E.S Castelao, na que os alumnos participaron nunha lectura pública de diversos pasaxes da obra de Verne, entre eles a novela ‘A Illa Misteriosa’, na que aparece o capitán Nemo nos días finais da súa vida. Recordemos que este personaxe está relacionado con Vigo, xa que Jules Verne fixo que o submarino Nautilus visitara a ría viguesa no capítulo titulado ‘A badía de Vigo’ da súa novela ’20.000 leguas baixo dos mares’.

Ademais da lectura de Verne, houbo unha exposición bibliográfica e un mural confeccionado ‘ad hoc’ para esta celebración, no que participaron os propios estudantes. O claustro de profesores do Instituto Castelao volcouse nesta iniciativa, e varios deles son membros da propia Sociedade Jules Verne de Vigo.

As imaxes desta celebración en Vigo do Día de Ler a Verne serán agora distribuídas internacionalmente nun catálogo on line que publicará a Sociedade Hispánica Jules Verne, coas actividades que hoxe se celebraron nas asociacións de Estados Unidos, Arxentina, México, Francia, Italia, Reino Unido, Canadá, España e Xapón.

Ademais, nas vindeiras datas Vigo celebrará o 151 aniversario da visita literaria do Nautilus o 18 de febreiro de 1868. E a Sociedade Jules Verne de Vigo xa prepara actos para conmemorar a efeméride.

Texto e imágenes bajo una licencia de Creative Commons Reconocimiento-NoComercial-CompartirIgual 4.0 Internacional.