A empresa ESKAPARK de Vigo ofreceu, o xoves 2 de maio, unha sesión do seu xogo de escape-room portátil «El legado de Verne» ao alumnado do Instituto Castelao desta cidade. O xogo conta coa colaboración da Sociedade Jules Verne de Vigo como asesora respecto á obra e figura do autor francés. Catro grupos de alumnos tiveron que desvelar chaves e enigmas e, mesmo, colaborar entre eles para acadar o obxectivo final.

Esta é a segunda presentación do xogo despois da que tivo lugar na biblioteca pública Neira Vilas o 23 de abril. A acollida por parte do alumnado foi, tamén, moi positiva. O xogo resulta emocionante e divertido.

Conseguido o obxectivo, todos os participantes recibiron cadanseus diplomas de mans de membros da Sociedade Jules Verne e de profesorado do instituto.

 

 

Texto e imágenes bajo una licencia de Creative Commons Reconocimiento-NoComercial-CompartirIgual 4.0 Internacional.